وجه الفنان محمد محمود عبد العزيز الشكر لوالده الراحل الفنان القدير"محمود عبد العزيز"، فى ذكرى أول عمل لشركة "مجموعة فنون مصر"، مؤكدا مساندته وإيمانه به فى بداية طريقه بالإنتاج.

ونشر الفنان محمد محمود عبد العزيز، عبر حسابه بموقع تبادل الصور "إنستجرام"، البوستر الدعائى لمسلسل باب الخلق، الذى قام بإنتاجه كأول عمل فنى لشركته الإنتاجية بطولة الساحرمحمود عبد العزيز، وعلق عليها، "سنين كان أول عمل لشركة مجموعة فنون مصر اللى أبويا كان أول واحد يآمن بيها ويشرفها بموافقته بالشغل معانا أنا وأخويا الكبير ريمون".

وأضاف نجل الفنان الراحل، "أكيد فى الأول كان بيعمل كده عشان يقف جنبى ويساندنى فى أول طريقى بالإنتاج، زى ما أى أب فى الدنيا بيساند ويدعم ابنه، لكن مع كل سنة كان بيوافق إنه يجدد ثقته فينا ويشتغل معانا تانى كنت بتأكد إنه من جواه مصدقنا ومؤمن بينا لأنى متأكد أنه لا يمكن يجامل فى شغله.. أتمنى أكون مشرف حضرتك، ويا رب أفضل أشرف حضرتك لغاية ما نتقابل قريباً إن شاء الله.. ومش هقول برضه غير ربنا يخليك ليا يا سندى وضهرى وأبويا وأخويا وصاحبى، واحشنى أوى، أسألكم الفاتحة والدعاء لأبويا ولأمواتنا جميعا".